魚缸Blogger：復星國際不妨跟進

上月推介過嘅復星國際（00656），眨吓眼已經成功到價，且有大行唱好，尋日跌市仍升1.7%，收報9.38元，即市再創9.45元的一年新高，14日RSI未算超買，見佢幅圖夠靚，未有貨嘅話，不妨喺9蚊邊跟進。

復星早前發盈喜，預期截至去年底止全年純利將比前年大幅增長，而功勞係來自保險業務發展迅速、產業運營穩定增長，公司將於三月底派成績表。

另外，尋日花旗出報告叫人買，話復星新收購的葡萄牙最大保險集團Caixa Seguros，配合本身的投資及資產分配能力，有助在內地以外地區物色具吸引力的投資機會，同埋拓展多元化融資渠道，加上鋼鐵及礦石業務前景改善，畀佢目標價11.3元。