獲阿里巴巴入股的中信21世紀（00241）成為上周五市場焦點，而揀啱時辰公布同中信21世紀合作的中軟國際（00354），股價亦狂飆13.2%，收報2.4元，同一年高位2.61元距離唔遠，相信利好因素仲未反映得晒，短線應該有力再升多浸。

中軟繼於去年十一月同阿里雲成立「雲棲小鎮聯盟」後，近日再與剛獲阿里入主嘅中信21進行戰略合作，具體內容有待跟進。查實佢去年底已拎到1億美元銀團貸款做購併，之後好快就用4,100萬美元收購一間美國資訊科技公司Catapult Systems，成為全球微軟認證數量最多的微軟合作夥伴；今次再同阿里有進一步合作，估計升勢應該唔會只得一日貨仔！

中軟國際（00354）

阻力位：2.61元

支持位：2.12元