文妮上周為五名內地友人當兩日導遊。友人到世界級名店－卡記和T記揀婚戒，兩個Sales零笑容都算，一個嗌話食晏，另一個就不停睇錶，經典趕客樣。

跟住去了某上市金舖，友人自己和親友都指明要該店金飾，拿好戰利品，Sales刷卡後卻沒給回銀聯卡，更咬定是友人自己沒收好，打算要睇閉路電視時，Sales終於在她的腰包裏尋回銀聯卡！之後，友人又指定要試某上市茶餐廳，侍應態度終於令文妮嬲到要爆！

里昂預計，二○二○年內地每年外遊人數將突破2億人次，屆時全球每兩個人買奢侈品，其中一個是中國人，港人的待客態度如斯，還談何競爭力。