隨住內地單獨二胎政策的落實，唔經唔覺合生元（01112）已升到70蚊，周二收報69.15元，一三年累計狂飆1.85倍，雖然估值好唔吸引，但佢仲處於高增長，所以只要成績表交到貨，股價無話唔可以再上嘅！

合生元去年上半年純利增長8.6%至2.97億元（人民幣．下同），但撇開違反反壟斷法罰款1.62億元，實際增長近七成至4.6億元，毛利率達66.4%，表現出色。另外，行業整合係大方向，睇見蒙牛乳業（02319）增持現代牧業（01117）兼買起雅士利（01230），合生元亦都唔執輸，啱啱公布以3.5億元收購長沙營可，皆因睇中佢每年3萬至5萬噸嬰幼兒配方奶粉的產能，市場亦憧憬兼併重組將陸續有來。

合生元（01112）

阻力位：75元

支持位：60元