空軍透視：乳業股 未到撈貨時機

原生態牧業（01431）招股反應唔錯，但結果掛牌後股價一直潛水，令不少捧場客失望。一眾乳業股走勢亦呈反覆，其中現代牧業（01117）股價上周失守10日線後一直未能收復失地，近兩日更見其沽空活躍，繼前日錄得沽空股數1,329.2萬股後，昨日沽空股數更增至1,519.2萬股，乃過去兩個月以來最多。事實上，今年以來乳業股股價已累升不少，估值已不再便宜，加埋有同類新股潛水，投資者沽貨獲利，又或趁高沽空鎖定利潤，亦不足為奇，料短線板塊表現持續以整固為主，暫宜持審慎態度，未到撈貨時候。