內地自上月起執行新的家電能源效益標準，高效節能係大方向，對零部件亦有要求，威靈控股（00382）近兩個月股價沿住10日線上升，上周五以大陽燭同大成交收市，狂飆9.2%，收報2.24元，即市高見2.25元，再創五十二周新高，乘勝追擊嘅話先睇兩個半。

威靈主要在內地及海外製造、分銷及銷售家電的電機及電子電器產品，繼去年純利增長5%至6.4億元後，今年中期多賺兩成至4.19億元，原因係家電產品需求上升。集團去年底將兩大分部─微電機同洗滌電機，合併成電機分部，今年上半年內銷電機銷量5,429萬台、外銷電機銷量1,722萬台，總銷量增長14%。隨住公司產品結構改善及原材料價格持續下降，期內毛利率亦由14.6%升至16.1%，至於未來目標係持續加強品質，而日韓客戶的空冰洗直流電機業務，有望成為佢新增長亮點之一。

威靈控股（00382）

阻力位：2.5元

支持位：2.0元