軍工航天板塊昨日鑊氣四溢，中航科工（02357）用咗幾日就收復晒多條平均線，尋日再升7.2%，收報4.45元，即市創出4.52元的五十二周新高，14日RSI未算超買，配合大成交兼10日線升穿250線，先睇5蚊應該都唔過分。

中航科工上半年收入增長18.7%，至86.75億元人仔，純利增長11.2%，至3.48億元人仔，而旗下附屬哈飛股份、中航電子及中航光電，早前公布首三季分別多賺38%、10%及9.6%，只有洪都航空少賺24%，都算唔錯。另外，公司積極進行航空電子設備業務購併，繼九月中航電子收購從事產銷航空儀錶的東方儀錶100%股權、十月中航光電擬收購從事產銷電連接器的西安富士達48%股權後，另一附屬天津天利亦都增持從事生產斷路器的施耐德上海5%股權，佢嘅賣點係規模不斷膨脹，同埋食正軍工及航空業整合潮概念。

中航科工（02357）

阻力位：5元

支持位：4元