魚缸Blogger：廣船小注跟炒無妨

九月叫過大家喺8蚊樓下買定嘅廣船國際（00317），至今走勢非常凌厲，係咁破頂，尋日更狂飆12.5%，收報14.72元，即市高見14.98元，15蚊關隨時攻下。雖然睇見幅圖有啲令人畏高，不過小注跟炒都無妨。

廣船係母公司中船集團在華南地區的現代化造船核心企業。望吓業績，公司首三季營業收入倒退近五成，至24.62億元人仔，淨利潤增長逾五成至6,575萬元人仔，而截至九月底止手持造船訂單58艘，成功收復去年下半年業績見紅的失地，同時配股收購龍穴造船以實現廠區搬遷。

另外，下半年波羅的海乾散貨運價指數（BDI）勁升，加上繼國務院公布「船舶工業加快結構調整促進轉型升級實施方案」後，近日工信部亦都制訂「船舶行業規範條件」，而且市傳內地拆船補貼細則或於年底出台，廣船自然有運行。