雖然近年唔少內地飲料品牌進軍本港市場，不過維他奶國際（00345）地位有番咁上下，睇佢股價長炒長有就知，由前年的5蚊左右，升到依家11蚊，即使畀澳洲聯邦銀行喺月初減持至4.98%，上周五跌市仍升2.8%，即市更曾經挾到去11.28元，接近掂到五十二周高位11.34元，成交亦都配合，短線應該有力再破頂。

維他奶於香港及澳門從事生產及銷售豆奶、茶、水、果汁及豆腐等產品，另亦銷往內地、澳洲、新西蘭、北美洲及新加坡。由於擁有核心品牌及分銷網絡優勢，加上期內營運效率進一步改善，所以公司去年收入增長9%至40.5億元，純利增長8%至3億元，毛利率維持於48%水平，其中豆奶同茶收入佔比分別為49%及22%。至於未來發展，隨住內地、澳洲及新西蘭廠房擴充完成，今年公司有望繼續提升產能及實力，以穩陣取勝。

維他奶國際（00345）

阻力位：12.00元

支持位：10.17元