國美電器（00493）積極轉型後，業績成功扭虧為盈，股價由6毫子水平，升到依家個幾，尋日逆市靠穩，收報1.32元，升1.5%，見佢幅圖夠靚，14日RSI未算超買，不妨小注跟進。

國美喺今年初透露過未來三年嘅戰略目標，包括進一步鞏固一級市場地位，擴充二、三線城市業務，並建設及升級電子商務平台。今年上半年扭虧為盈，錄得純利3.22億元（人民幣．下同），去年同期則蝕6.07億元。另外，公司預期截至九月底止九個月淨利潤按年大幅增長，期內同店銷售增長12%，毛利率亦由上半年的15.3%升至18%，第三季增長亦比次季出色，可見佢嘅「線上線下全面融合的多渠道零售商」戰略奏效。除咗門店銷售收入大增外，國美同時發展獨立物流平台，進一步減少運輸及倉儲等經營成本，仲同中國電信（00728）合作搞移動通信轉售業務，創造新增長亮點。

國美電器（00493）

阻力位：1.45元

支持位：1.20元