魚缸Blogger：巨星國際博穿2元關

上市仲未夠一個月嘅巨星國際（02393）尋日急升8.4%，並以全日高位1.92元收市，較招股價1.38元高出39%，技術上已進入超買區，但若然短線回吐仲守得住10日線1.75元嘅話，可博升穿兩蚊關見2.1元。

巨星係一間內地彩色相紙供應商，擁富士膠片彩色相紙內地獨家經銷權，另以「Imagenation」品牌在上海經營一間全印館。即使數碼影像普及化，集團一○至一二年仍分別錄得純利2,170萬元（人民幣．下同）、4,830萬元及5,800萬元，期間複合年增長率63.6%，毛利率亦由一○年的16.3%升至17.5%，反映公司產品多元化令收入來源更穩定。

由於巨星睇好未來醫療設備市場，故是次集資所得的30%資金，會用作收購從事醫用X射線設備的國內醫療設備公司，而現時醫療業務毛利率13至14%，目標收入佔比可由40%升至50%。