啱啱兩個星期之前推介過嘅敏華控股（01999），眨吓眼已經突破當時所定的阻力位13.4元，事關佢喺下個月派中績前再發盈喜，而且有大行出報告唱好，尋日跌市仍升1.5%，收報13.48元，即市再創14.1元的五十二周新高，整固後料有力再上，下站阻力上移到14.5元。

敏華預期截至九月底止六個月綜合淨利潤增長一倍，原因係收入增長理想、銷售及行政開支佔收入比重下降，同埋外匯遠期合約收益所致。另外，花旗出報告叫人買，話佢嘅海外同內地零售業務持續擴張，未來將會保持穩定增長，尤其是海外客戶訂單。至於內地方面，由於三、四線城市需求強勁，開店目標已由200間增至300間，預期一四年度零售店數目1,086間，花旗建議如果出現回吐時可以吸納，畀佢目標價15.5元，同現價差距15%。

敏華控股（01999）

阻力位：14.50元

支持位：12.32元