美國總統奧巴馬委任聯儲局副主席耶倫明年一月底坐正，市場預期退市只會押後唔會推前，不過股市對消息反應頗冷靜。

恒指期貨走勢2013/10/10

昨日期指以23,039點開出，淡友早市成功在23,105點攔截升勢，之後更借上海自貿區推國際板的謠言，一舉將期指殺落22,684點，跌穿九月十三日及十月二日兩個低位延伸出的頸線22,708點，之後三次反彈都受制即市波幅的0.618阻力位22,845點，直到消息三點後被澄清，日期抽上22,956點報收，比現貨高水5點。夜期開市後反覆上落，截至十時，高水逾百點。

期指昨日能夠先破即市23,055點阻力，再跌穿22,708點，最後收市幾十點上落，等破位追勢的期指客失望到極，橫行多日，波幅擴大，時間上港股係時候突破，期指成交張數由低位明顯回升，跌穿22,700點抑或再試23,500點，應該好快有答案，手上淡倉暫時以23,238點作止蝕，目標繼續睇22,500點樓下。