魚缸Blogger：輝山乳業值得跟進

呢期新股氣氛好轉，好似尋日以51蚊上市嘅雲遊控股（00484），狂飆32%，其餘半新股香港信貸（01273）、輝山乳業（06863）同天喔國際（01219），都分別累積升咗6%、4%及7%。單計牌面，雲遊旗下子公司涉及侵權訴訟，而天喔品牌效應仍有待提升，建議睇定啲先都仲得。至於香港信貸，金管局唔多鼓勵銀行借錢畀提供按揭服務嘅「財仔」，兩股吸引力已比下去，相反輝山撞啱近期奶荒，值得跟進。

輝山從事生產及銷售原料奶、液態奶、奶粉及穀物產品，一一至一三年（截至三月底止）分別錄得營業額3.7億元（人民幣．下同）、13.3億元及25.5億元，純利3,267萬元、3.2億元及10.1億元，期間複合年增長率457.1%，毛利率亦由一一年的32%大增至54%，反映公司處於高增長期。日股價即市創2.79港元的上市新高，以接全日高位2.78港元收市，升一成，無蟹貨隱憂，上升空間大。

輝山乳業（06863）