魚缸Blogger：世房有力再破頂

尋日上海自由貿易試驗區正式成立，隨之而來就係自貿區同鄰近地區地價、樓價、租金、需求等上升，喺上海落腳嘅世茂房地產（00813）畀人偷步炒上，上周五股價升近半成。該股去年初以來走勢一浪高於一浪，睇勢話唔定可以再破頂，博升穿五十二周高位19.88元見廿蚊關，畏高的話就等回調16蚊邊後收集。

世房今年頭八個月合約銷售金額410.5億元（人民幣．下同），按年增逾三成，已達全年目標550億元嘅74%，有機會超標。公司在上海擁有上海世茂皇家艾美酒店、上海外灘茂悅大酒店等，同埋收租嘅上海世茂國際廣場，上半年酒店經營收入倒退6.4%至4.6億元，但下半年表現應有望加分，另收入佔比逾九成的物業銷售增長24%至156.8億元，帶動公司多賺11.5%至34.7億元，毛利率亦由去年的33.5%升至35.5%，係優質內房股心水。

世茂房地產（00813）