昨日滬綜指急跌42點，報2,155點，失守六月低位1,849點至早前高位2,270點升浪的0.236調整支持位2,171點，確認進入短期調整。

恒指期貨走勢2013/9/26

中資股唔多唔少受A股弱勢影響，不過結算前夕，市底沽壓始終未算大，但國企指數十一日內呈現十支陰燭，托住沽的情況明顯。昨日恒指亦終於失守10日線支持23,181點，由九月初開始的挾倉氣勢，相信會收斂落嚟。

昨日期指開23,123點，好友測試阻力，但無法突破過去兩日即市高位23,355點及23,286點，觸及23,254點便行人止步，好倉冚倉盤湧現，十點前，期指已退到23,045點，午後市況成交淡靜，日間時段收23,136點，稍低於全日中間價23,149點。

九月期指今日結算，連跌多日的美股昨晚如果企穩，唔排除大戶會嘗試在早段爭取較高結算價，最好等埋收市，現貨至少要企穩10日線樓上，先算企穩。昨日午後在23,200點附近開十月期指淡倉，短期標是23,000點樓下。