市場觀望今晚美國聯儲局議息同埋最終的收水規模，昨日港股極為窄幅的在23,000點樓上整固，現貨以接近全日高位23,246點開出後，全日高低波幅僅119點，收市前曾經跌到全日低位23,127點，最後拗腰跌少咗，收報23,180點，跌71點，成交僅554億。

恒指期貨走勢2013/9/17

大市缺乏方向，即月期指波幅稍多於現貨，即市高低位分別係23,287及23,148點，波幅139點，日市收23,191點，高水11點。

大行預測今晚聯儲局把每月850億美元買債上限，削減至700至750億美元，假如最終在這範圍內，估計後市未必有太大反應。

至於後市能否更上一層樓，關鍵係內地第三季經濟數據。到底是迴光返照，抑或真係一次中期的谷底回升？身邊賓架睇法同筆者接近，都相信內地經濟的確有復甦，可是力度唔強，23,000點樓上才追有點失先機。今日索性靠邊站，等埋聯儲局份聲明，至決定跟住點做。