北控水務（00371）喺八月創出3.42元的五十二周新高後，股價開始反覆回落，直到上周至由低位2.96元回升，周五反彈8%，以接近全日高位3.21元收市，100日線2.93元支持唔錯，短線如果仲守得住嘅話，話唔定可以再破頂。

北控水務今年上半年收入增長97%至27.63億元，純利增長33%至5.14億元，相等於去年全年所賺7.5億元的68.5%，原因係實際水處理量增加，同埋廣西北海及貴州南明河項目開始建造。另外，公司積極參與行業購併整合，以提高水處理能力同市場份額，如啱啱公布斥9.55億元人仔收購內地多省9個水務業務、斥13.5億元人仔收購水晶水務及中國水務控股，以擁有旗下36個水廠及項目等，而海水淡化市場日漸成熟亦將帶嚟額外商機同增長動力。

北控水務（00371）

阻力位：3.42元

支持位：2.85元