何思諺有另類投資
何思諺
01.你認為自己現時財富屬於哪一級?(分五等級:優、良、常、可、劣)
答:常,我一半收入畀屋企。
02.你試過最貧窮是何時?當時情況是怎樣?
答:中五畢業後,無收入,連銀行戶口都無,銀包得二十蚊,好少出街。
03.你試過最富有是何時?當時情況是怎樣?
答:三年前我剛入行,拍完檸檬茶廣告後,有好多Job,成個Schedule full晒,收入有六位數。
04.每月的收入中,儲蓄、投資及消費分別佔多少?
答:50%消費、30%投資、20%儲蓄,消費就主要花响囝囝身上,買尿片、奶粉、衫仔。
05.金錢對你的重要程度屬於哪一級?(分五等級:極重要、很重要、重要、不重要、絕不重要)
答:重要,我自己可以少啲使錢,但囝囝就唔慳得。
06.你每月開支平均大約多少?
答:五位數。
07.現時身上帶有多少現金?
答:100蚊。
08.你何時開始儲蓄?
答:讀小學時,爸爸每次畀錢我,都會入錢罌。
09.你擁有多少個銀行戶口?
答:兩個。
10.你幾多歲賺到首個一百萬?
答:希望三十歲前。
11.你現時共擁有多少張信用卡?
答:零,我唔想欠銀行錢。
12.你現時擁有多少個物業?
答:無,租緊樓住,但諗緊買村屋,因為空氣好啲,對囝囝成長好啲。
13.你有否投資股票或基金?
答:爸爸有幫我買股票。
14.試舉出三間本港藍籌公司的名稱?
答:咩嚟架?
15.總括而言,你投資股票是賺、打和還是虧蝕?
答:應該係賺,試過有次賺五位數。
16.你有否購買保險?若有,共擁有多少份保險?
答:有,老公Tom幫我買咗份人壽。
17.你有些特別的另類投資嗎?
答:有,喺網上賣手作仔。
18.你打算何時退休?
答:六十歲,我好鍾意整手作仔,想做到雙手做唔到為止。
19.你認為至少要擁有多少儲蓄才可安心退休?
答:嘩,我諗要幾十億先放心。
20.你認為自己有沒有商業頭腦?
答:無,雖然有做生意,但唔係為錢,係為興趣,成日被Tom鬧我唔識做生意。
21.可以分享一條絕世發達的妙計嗎?
答:如果有,我發咗啦。
個人資料
姓名:何思諺
年齡:22歲
職業:模特兒