魚缸Blogger：南方A50 挑戰11元關

A股大翻身，企穩2,200點，實物A股ETF南方A50（02822）喺周一以大陽燭突破保力加通道頂部9.64元後，尋日再次破位，即市掂到好耐都無見過嘅10蚊關，收報9.99元，升幅1.6%，10日線有拗腰升穿100日線迹象，睇勢話唔定可以向住11蚊關進發。

近日內地公布的經濟數據表現都有改善，好似八月份PPI按年降1.6%（跌幅收窄）、八月份出口按年增7.2%、官方八月份製造業PMI報51等，睇到通脹依然溫和、貿易同經濟復甦步伐均正常番。中央穩增長有料到，富時中國A50指數升逾百點，追蹤指數嘅南方A50自然有運行，基金價格處於六月底延伸至今的上升軌，走勢一浪高於一浪，加上金融股佔比較重，內地優先股試點消息利好。

另比起合成A股ETF安碩A50（02823），除沒有交易對手風險外，現價較資產淨值折讓0.2%（安碩A50溢價2.09%），相對吸引。