蔡穎恩想開Cafe
蔡穎恩
01 你認為自己現時財富屬於哪一級？（分五等級：優、良、常、可、劣）
答：常。
02 你試過最貧窮是何時？當時情況是怎樣？
答：一年前拍劇時，因為係主角，檔期hold起晒，無時間接其他job。加上呢行三、四個月先出糧一次，嗰排有出無入，好彩媽咪一直幫我理財，我先唔使捱餓。
03 你試過最富有是何時？當時情況是怎樣？
答：剛出道一、兩年時，當時讀緊書，又未好大使，所以儲到錢，都有5位數o架！
04 每月的收入中，儲蓄、投資及消費分別佔多少？
答：唔清楚，因為一出糧就交晒畀媽咪，佢出番零用錢畀我，我諗每次都儲到幾千蚊。
05 金錢對你的重要程度屬於哪一級？（分五等級：極重要、很重要、重要、不重要、絕不重要）
答：極重要，因為唔想再靠屋企人，同埋想買樓。
06 你每月開支平均大約多少？
答：三、四千蚊，買嘢就另計，哈哈！我諗唔過五千蚊啩。
07 現時身上帶有多少現金？
答：千幾蚊。
08 何時開始儲蓄？
答：十八歲，當時第一次出糧。
09 你擁有多少個銀行戶口？
答：兩個。
10 你幾多歲賺到首個一百萬？
答：未賺到，目標兩年內搵到。
11 現時有否借貸？（包括信用卡、樓宇按揭及私人貸款）
答：無，但有問媽咪借，哈哈。
12 現時共擁有多少張信用卡？
答：1張。
13 當中最大的信用限額是多少？
答：約一萬蚊。
14 現時擁有多少個物業？
答：無，玩具屋算唔算?
15 目標幾時買樓？
答：希望兩年內儲到首期。
16 你有否投資股票或基金？
答：無買股票，但有一份基金，之前諗過抽iBond，但後尾無咗件事。
17 試舉出三間本港藍籌公司的名稱？
答：唔識呀！
18 現時最看好哪一個國家的貨幣?
答：人民幣真係無得輸。
19 你有否購買保險？若有，共擁有多少份保險？
答：屋企人幫我買，唔清楚。
20 你認為自己有沒有商業頭腦？
答：都有o架，但媽咪話我做生意一定蝕錢，因為我好心軟借錢畀人。
21 你可曾創業？
答：想創業啊，想開Cafe。
22 可以分享一條絕世發達的妙計嗎？
答：有都唔講啦。
個人資料
姓名：蔡穎恩
年齡：23歲
職業：藝人
