魚缸Blogger：海通國際有力再升

尋日有隻中資背景嘅本地券商股海通國際（00665）跑出，喺成交急增下飆近一成，以全日高位3.8元收市，相反隻國泰君安（01788）則跌0.3%，而兩隻內地券商股海通證券（06837）同中信証券（06030）分別只係升得2.2%及1%，海通國際幅圖夠靚，短線應該有力再升多浸，不妨博佢重返供股前水平。

海通國際業務集中在香港，同母公司海通證券唔同。公司三月宣布二供一（每股供股價2.55元），四月股價跌到落3蚊樓下後反覆回升。睇番成績表，公司今年上半年收入增長兩成至7億元，純利增長逾四成至2.2億元，喺市場興起鬥平佣搶客下，仲交到呢個數已經幾叻。至於公司正在從傳統收費型業務，逐漸轉型資本中介業務，即係投資銀行的盈利模式，令收入結構更加多元化，期內機構客戶佔比已近兩成，值得憧憬。

海通國際（00665）