深圳科技(00106)主力物業投資買賣及金融投資品,去年全年收入8,955萬元,計埋金融資產公平值收益增加後的盈利9,621萬元,規模咁細,要發圍當然唔夠動力。雖然業績基本因素略嫌薄弱,但可取的是公司無負債,去年底帳面持6.14億元現金,業務唔算複雜,具備「做殼」條件,結果六月被內地地產商朗詩睇中,原控股股東以每股0.685元出售12.6億股,佔已發行股本63.4%,消息一出,股份復牌後即告狂升。

朗詩正式入主後,股份將改名為朗詩綠色地產,並表明會把綠色住宅資產注入。按母公司朗詩的規模,總資產約180億元人民幣,持有綠色住宅項目30個,料首批注入時間唔會太耐。相較早前透過買殼來港的其他內房,朗詩唔算好大隻,但注資表態明確,且透過隻殼踏足本港融資市場的意向亦明顯,股價昨稍跌穿20日線,可於1.1元樓下收集。

深圳科技(00106)

阻力位:1.25元

支持位:1.00元