魚缸Blogger：深圳科技憧憬注資

去年中以來地產殼股多次成為焦點，好似勒泰控股（00112）、恒力商業（00169）及嘉輝化工（00582）等，而獲朗詩入主嘅深圳科技（00106），六月完成變身，股價由停牌前的0.41元，升到五十二周高位1.25元，之後腳軟橫行，有見10日及20日線匯集在1.09元，上周五即市一度抽升逾7%，最後升逾3%，以1.13元收市，喺憧憬母公司進行注資下，睇位跟炒無蝕底。

深科去年收入同純利一樣增長三成半，分別至8,955萬元及9,620萬元，資產負債比率為零。除有深圳前海概念外，公司將會改名朗詩綠色地產，有助反映佢作為朗詩綠色住宅發展業務的唯一上市平台。至於朗詩，業務包括綠色地產、建築科技、金融及養老，其中地產項目遍布南京、杭州、蘇州、上海、武漢及成都等城市，規模同品牌效應有番咁上下，照計深科估值有上調空間。

深圳科技（00106）