有報告指出，香港豪宅做價一落千丈，遠落後於上海和北京。（資料圖片）

政府連環出招重創樓市，買家印花稅（BSD）同雙倍印花稅（DSD），嚴重打擊本港豪宅市場。據國際地產顧問萊坊最新發表嘅「全球豪宅指數」報告，第二季香港嘅豪宅樓價升幅排名第十九位，比去年同期升2.4%，遠落後第三位嘅上海同第九位嘅北京，兩地分別按年升17.5%同9.3%。

有報告指出，香港豪宅做價一落千丈，遠落後於上海和北京。（資料圖片）

第二季全球主要城市豪宅走勢

萊坊近日發表《全球豪宅指數》，涵蓋28個主要城市嘅第二季豪宅表現。

雅加達漲價27%冠全球

其中雅加達排名第一位，豪宅價格按年升27.2%，連續三季表現最強勁；而杜拜同上海分別按年上升21.6%同17.5%，排名第二位同第三位，表現同樣亮麗。

不過，本港豪宅受政府出辣招影響，做價一落千丈。劉Sir睇番香港嘅情況，第二季豪宅價格按年只升2.4%，排名第十九位，而排名第九位嘅北京，亦升約9.3%，被遠遠拋離。報告又指出，第二季全球28個城市嘅豪宅價格，按年升2.4%，相比首季錄得嘅0.4%跌幅，已經顯著改善，而截至六月份，年內平均升幅為5.6%。

中原黃良昇同劉Sir講，DSD等稅項尤其打擊香港豪宅市場，並以較多內地買家鍾情的一手豪宅，最受影響。

內地買家比例急跌

佢話，第二季逾1,200萬元以上嘅一手豪宅，內地個人買家佔整體成交金額為15.8%，比首季錄得嘅25.5%，急跌9.7個百分點，反映佢哋賣少咗一手豪宅，而內地個人買家佔一手成交宗數為18.2%。

另一方面，內地個人買家佔整體二手豪宅金額嘅比例，亦由首季嘅10.9%，減少至第二季嘅5.4%，下跌5.5個百分點；上半年較多內地個人買家鍾情的豪宅，包括西區寶翠園及港島南貝沙灣等。