內地家電下鄉、節能家電消費補貼政策已先後於一月底及五月底到期，搞到一眾家電股無乜人吼，但近日有消息指中央正在加緊制訂新政策，其中一項就係家電補貼，海爾電器（01169）尋日逆市升逾1%，收報13.98元，即市掂到14元關，後市應該仲有睇頭。
海爾在內地從事研究、開發、製造及銷售「海爾」品牌的洗衣機及熱水器，以及銷售其他品牌的家電產品，首季收入增長14%至141.6億元人仔，純利增長25%至3.9億元人仔，可見政策到期對佢影響唔大。另外，上月總理李克強話要組合拳推動經濟，其中一拳又係講咗好耐嘅城鎮化，如果落戶限制得到解決，農業人口轉為城鎮居民，龐大內需潛力將可釋放，如大件耐用生活消費品，作為內地最大洗衣機及熱水器生產商之一的海爾料可受惠。
海爾電器（01169）
阻力位：15元
支持位：13元
| 租／售 | 租 售 |  |
| 樓盤由squarefoot.com.hk提供 | ||
