期指攻略：大市倘爆邊即追勢

在俗稱「超級星期四」，包括美、歐及英國央行議息，內地公布七月份製造PMI及長和系業績前，大戶酌量減磅合情合理。事實上，恒指衝上0.618反彈阻力21,951點之後，已是第六個交易日有波幅無突破。八月期指收21,864點，成交唔多，得4.9萬張，前日的未平倉合約升至9.87萬張。今日影響大市的外在因素眾多，無論開邊面，筆者維持睇住現貨上破22,007點或者跌穿21,703點追勢。

昨日八月恒指期權合約，認購最活躍為22,600點，有1,048份合約成交，至於認沽，過千份成交則集中在20,800、21,000、21,200點，反而「平價」的21,800點認購及認沽交投唔算活躍，得185及546份，睇嚟超級星期四前，大戶都齊齊博大霧，買遠期啲博有一個較大單邊浪推高指數引伸波幅。