荃灣TML廣場預計下月入伙，市場近期接連錄得取消交易個案。

近排工商舖市場有燶味，唔少炒家都腳軟，與其劈價勁蝕，不如棄購；有代理話，就快入伙嘅荃灣TML廣場工廈樓花，連續錄到幾單取消交易，最大宗係一個兩年四度摸出嘅高層戶，今年五月最後一轉摸貨以約5,410萬元蝕讓摸出，帳面已經唔見咗1,200幾萬元，新買家以為執到寶，但係上會期殺到，個單位最終都要棄購。

荃灣TML廣場預計下月入伙，市場近期接連錄得取消交易個案。

美羅中心低層戶最近有炒家決定棄購。

近期工廈取消交易個案

有代理同劉Sir講，TML廣場最快下個月陸續入伙，唔少炒家計唔掂數，上會機會唔大，減價都無人吼，兩難之下，最後都決定棄購，最多損失訂金。

貨蝕千二萬 撻訂買家

佢話TML廣場有個高層戶，面積約9,000呎，於二一一年中最先以4,260幾萬元一手售出，之後兩年之間輾轉再摸出三轉，每次業主都有錢賺，帳面賺價由300幾萬元，至1,600萬都有，最後一轉係今年三月，投資者以6,660多萬元購入後，五月即以5,400幾萬元蝕讓摸出，帳面損失約1,200萬元。大家原以為新買家執到平貨，不過，市況轉差，佢早排都決定棄購。

有代理話，上個月九龍灣工廈買賣只有10幾宗，所以唔少炒家都決定「跳船」棄購。

美羅摸貨 投資者焗斬纜

美羅中心2期有個低層戶，投資者今年初以550多萬元接摸貨購入，樓價三個月升逾13%，由於成交期臨近，新買家搵唔到人買，最後惟有選擇唔要。

近排商場劏售成績唔錯，新蒲崗有工廈業主都跟風，中原（工商舖）資料，新蒲崗宏輝工業大廈地庫業主，依家先分間出售其中一半屬貨倉契嘅樓面，面積由312方呎起，入場費約156萬元，呎價4,700元起。華懋暗標放售葵涌大隴街11號葵華大廈一籃子零售樓面，總樓面約2.28萬方呎，成件貨叫價超過1億元，但亦可以散賣。