受惠於收購一間家品商消息帶動，尋日中國家居（00692）逆市爆升9.5%，升穿10日、20日及50日線0.74至0.76元的匯集區域，可小注博佢上試五十二周高位0.88元。

二○○○年以1.1元上市嘅中國家居，前名寶源控股，業務瓣數夠多，但盈利能力有待改善。公司除在香港、美國同中國從事銷售布料、成衣及其他相關配飾外，亦在中國從事鐵鈦勘探、開發及開採、證券投資、時裝業務、放債業務，以及提供信息及技術服務同銷售相關產品，今年三月先至改名，事關年初開始做埋傢具買賣及提供室內設計服務，而啱啱就斥3.8億元買多一間發熱木製家品商，將可發揮協同效應。另外，公司喺早前發盈喜，預期截至六月底止六個月純利將比去年同期大幅增長，原因係家居分部銷售金額增加，令佢成功扭虧為盈，反映新業務帶嚟額外商機同增長動力。

中國家居（00692）

阻力位：0.88元

支持位：0.70元