恒指期貨走勢

日股昨重挫3.3%，滬綜指亦跌34點至1,976點，收市價計是三個星期低位，偏偏大戶要在結算前力托港股，在成交唔多下，使港股僅跌118點，收報21,850點，主板成交回落至421億元。結算之後會否出現追跌情況？觀乎昨日沽空佔成交比例由11.24%升至14.91%，看來大戶的確有所部署，預備一旦市況追補外圍跌幅的可能性。

恒指期貨走勢

昨日早市如果追勢，肯定連踩幾塊蕉皮，八月期指開21,850點，隨即被好友推上21,868點，九時四十五分左右，已推落即市低位21,703點，之後反彈，升穿21,868點高位，去到21,900點，以為好友控制大局，但十時半後，好淡雙方好似失去入市興趣一樣，在開市時段這個波幅間上落，直到收市。

今日七月期指結算，到底係咪真係好友大戶死撐到收市，相信今日上午結算平均價有足夠樣本後，個市係龍係蛇會見真章，如果跌穿21,703點，筆者會開淡倉追沽，期指先回試21,400至21,450點之間的支持機會唔細。