尋日頁岩氣概念板塊繼續抖氣，得隻安東油田服務（03337）一枝獨秀，股價反彈半成，即市阻力唔太大，以接近全日高位4.69元收市，不妨小注一試。

安東油服首季主營業務油氣田開發技術服務完成281井次，而次季亦完成525井次，分別多過去年同期嘅245同491井次，反映業務持續增長。期內公司積極發展塔里木盆地的常規天然氣市場，同埋鄂爾多斯盆地的緻密氣市場，如與中石化（00386）旗下附屬簽訂分段壓裂服務、連續油管服務兩份合同，預計合共超過25井次。另外，佢話內地頁岩氣前期項目已開始啟動，公司手頭工作量充裕，包括四川盆地兩口井的水平井固井技術服務，為鑽井新技術服務（一體化服務）。如果睇圖，股價由五月高位6.87元，碌到落上周五低位4.33元，累積跌幅高達37%，尋日重上保力加通道底部4.42元，如果短線仲守得住，後市話唔定再試中軸5.24元阻力。

安東油服（03337）

阻力位：5.24元

支持位：4.22元