居屋市場連月來逆市上衝，但隨「白居二」買家「頂唔順」癲價，居屋業主也要回歸現實，劈價求售。其中，將軍澳富康花園業主狠劈一成三後，即獲白居二客承接；屯門悅湖山莊有業主一個月內減35萬元。鑽石山更有逾三成居屋業主調低叫價，而馬鞍山亦有兩成業主減價。

睇樓大減 悅湖削35萬

世紀21黃永佳稱，將軍澳富康花園昨就錄一宗「白居二」減價成交，減幅約一成三。上址為5座低層G室，實用面積592方呎，業主原叫價330萬元，但見近期白居二睇樓客大減，擔心熱潮一過無人承接，遂劈價42萬元至288萬元售出，較同類型單位市價低約7%。他又指，同區寶盈花園前周僅錄得兩宗白居二成交，上周更「捧蛋」。

祥益謝澤銘表示，上周屯門的白居二睇樓客銳減五成，業主開始「腳軟」。悅湖山莊9座一個高層A室，業主本月初叫價達270萬元，一個月內輾轉劈價至235萬元才獲白居二買家承接，累積減價35萬，幅度近13%。

富誠地產林栢榮指，鑽石山及黃大仙不少居屋放盤價偏離現實，白居二準買家索性放棄睇樓，令睇樓量急降。

此外，三十大主要屋苑只有零星成交。港島區主要屋苑，僅太古城錄得一宗。九龍及新界藍籌屋苑如美孚新邨、淘大花園、沙田第一城及嘉湖山莊等，均未錄成交。