恆指期貨走勢2013/7/10

繼日前公布的六月中國PPI連跌十六個月後，昨日公布的進出口數字再嚇你一驚，出口按年減少3.1%，進口則減0.7%，大幅差過預期。昨日早段港股曾升超過300點，消息殺到後，由高位21,044點掟番落嚟，到下午一時半左右，掟至低位20,633點先收手，再借勢A股回彈而倒升，暈頭轉向地Ｖ形走了一轉，全日高低波幅411點。

恆指期貨走勢2013/7/10

其實，恒指昨日開高158點，唔使16分鐘已經挾到去全日高位，剛升穿上周二高位21,004點頂位阻力，看似突破，卻非常蠱惑，即市追揸好易墮入走勢陷阱。筆者早按計劃小注怡情建好倉，維持目標21,200至21,275之間。

昨日現貨抽至20,904點收，即月期指報20,857點，惟由前日的高水轉為低水47點，股票沽空由前日的10.17%增至11.35%，基本上由六月以來，只有三個交易日沽空比例低過一成，短線未宜加大注碼。事關伯南克又會出來見大家，會否有削減買債規模的更實質言論，都係左右後市的因素。