一三年就快過一半，總結上半年樓市，在重重辣招攔路下，市況從天堂跌落地獄。聯儲局上周突然發表退市藍圖，消息一出，將軍澳地價即時「大冧」，預示樓市難獨善其身。

此情此景，苦等換樓多時的業主，或許會有「高沽低撈」的想法，趁機沽貨再租樓一、兩年等撈底。不過，世事未必盡如人意，因賣樓、租樓及之後再買樓，都有成本，如租金、釐印費、佣金等等；萬一樓價的跌勢「唔湯唔水」，跌幅不足以「冚」成本，那就得不償失。這正是一群換樓客目前面對的困局。

西九龍是新興豪宅區，業主出名叫價進取，但近期市況逆轉下，氣燄明顯收斂。今期《CASA置業安居》游走西九龍豪宅屋苑，追蹤最新貼市價筍盤，實現家住西九龍的置業夢。