雖然早前的科技股熱潮只係曇花一現，不過行業未來發展依然唔錯，尋日金山軟件（03888）即市一度急跌7.8%，低見10.08元，惟其後轉跌為升，以接近全日高位11.48元收市，升近半成，高低位差距14.6%，彈力驚人。

金山首季收入增長56%，至4.57億元人仔，盈利激增1.24倍至1.96億元，其中收入佔比近六成的網絡遊戲業務增長四成，皆因旗艦產品「劍網3」同首款3D射擊類遊戲「反恐行動」均人氣高企。查實公司去年嘅高增長主要來自第四季，而今年首季數字中，除網絡遊戲的每位付費用戶的月平均收益、應用軟件業務收入等比上季跌咗啲啲咁多外，其餘項目普遍都有強勁增長，反映呢個產業持續受捧。去年內地軟件產業收入增長三成至2.47萬億元人仔，相信今年相關數據表現應該仲有睇頭。

金山軟件（03888）

阻力位： 12.66元

支持位： 10.08元