魚缸Blogger：旺旺續有反彈空間

尋日康師傅（00322）同中國旺旺（00151）兩隻零食股，喺跌市下股價表現兩極，前者下跌4.2%，後者則升1.2%，有指內地零食行業增長放緩，但見旺旺調整咗一段日子，不妨（目及）實博有進一步反彈機會。

旺旺去年收益增長14%，至33.59億美元，純利增長32%，至5.54億美元（前年增長17%至4.19億美元），毛利率亦由34.8%增至39.5%，高過康師傅同期的29.9%。參考康師傅首季業績，其中收入佔比逾五成的飲品業務，營業額增長79%，反映今年旺季需求依然強勁，估計旺旺都唔需要睇得咁淡。上周五公司回購咗200萬股，涉及金額2,008萬元，有支持作用。睇番幅圖，股價自五月起沿住10日線下跌，上周五喺低位9.63元有承接，尋日轉跌為升，收報10.16元，重返保力加通道範圍入面，反彈阻力睇100日線11.28元。

中國旺旺（00151）