恆指期貨走勢2013/6/24

昨日先話同個跌市鬥長命，好嘅唔靈，昨日期指開市無耐，經已隊穿訂下的19,975點止蝕，搞到唔投降都唔得。恒指跌449點，收報19,813點，主板成交774億元，但沽空佔成交比例達13.57%，是連續五日雙位數。即月期指午後由即市低位19,706點彈上去19,798點收市，論幅度，只及全日波幅19,705至20,073點的0.236反彈，即19,792點高些少，揭示即市好友反撲力度之弱。

恆指期貨走勢2013/6/24

港股昨日的跌勢，真係要多得股災一樣的A股。人行無放水舉動，將無法紓緩市場對內地半年結前水緊的疑慮，昨日人民幣一年期不交收合約跌至6.3170的三個月低位，內地情況的確有啲恐怖。

恒指昨日低位19,756點，已經跌穿埋23,944至21,423點首波跌浪的1.618跌幅，即19,864點。截至昨晚十時，夜期低水幅度擴大至逾200點。筆者兩星期兩次博反彈，結果兩次都損手，都係決定唔做烈士，等明顯轉勢訊號確認至算，雖然賺少頭一浸，但至少有覺好瞓。