魚缸Blogger：敏華控股佳績帶動

隨住美國樓市轉好、內地人均收入上升，高檔傢俬需求有增無減，敏華控股（01999）啱啱交咗份靚仔嘅成績表，尋日即市一度挾到去8.44元，創咗五十二周新高，埋單仍升3.1%，收報8.22元，配合短線黃金交叉利好，唔大貪先睇9蚊。

敏華截至三月底止全年收入增長12.5%至48.77億元，純利增長87.4%至5.68億元，毛利率亦由34%增至36.3%，原因係公司改善產品組合同上調零售價格，其中收入佔比近九成的「芝華仕」業務增長13.4%，品牌效應不斷擴大，而期內網上銷售業務激增5.5倍，成功拓展客戶群至年輕消費者。

敏華雖於去年六月及今年五月加價，但訂單數量唔跌之餘仲有得升，公司亦話今年已接獲充裕訂單，而近年亦都積極發展新型面料及沙發結構，好似最新研發的「Leath-Aire」科技布，以此製成的功能沙發大受歡迎，有望成為佢新增長亮點之一。