魚缸Blogger：順風光電睇位炒波幅

去年盈轉虧，蝕1.86億元人仔的順風光電（01165），尋日股價逆市靠穩，收報0.97元，升幅1%，有見100日線0.93元支持非常硬淨，加埋佢呢期幾多搞作，可以（目及）實。

主要產銷太陽能發電產品嘅順風，近期積極擴充公司規模，如啱啱公布以9,306萬元人仔收購無錫尚德嘅太陽能資產，與南洲新能源成立合營從事太陽能熱電建築一體化業務，還有於上月與寧夏隆基硅材料發展太陽能電網發電系統項目、及與藏族政府建立有機農業光伏產業園等，有心乘勢發圍。

集團前年先至以1.11元上市，去年十一月推介當日得嗰3毫子，今年二月終於浮上水面，仲創出1.39元的歷史新高，近月一直維持上落格局（0.79至1.26元），可以候機炒上落波幅，高沽低買，阻力睇四月份高位1.26元。