恆指期貨走勢 2013/5/23

夜期賭得半場的盲點，再一次成為追破位者的陷阱，前晚伯南克提出短期內不會退出買債計劃的同時，美股做好，夜期一度挾上23,414點，十一點後夜期休息，美股繼續，伯老之後提出退市模棱兩可的言論，也成為夜期中追勢好友的催命符，在透過美期完全對沖風險難度極高下，早市焗輸。

恆指期貨走勢 2013/5/23

昨日現貨及期指雙雙跌穿四月中開始升浪的0.236及0.382回吐支持，走勢轉差。日股狂瀉超過7%，骨牌效應下，前晚未跌夠的美股極可能在昨晚follow through，好倉客宜先避其鋒，筆者亦惟有按止蝕位壯士斷臂，今次見財化水。

昨日小插曲，又係夜市時段發生，五點後，即月期指一開隊落22,064點，意味日夜市合計跌掉1,163點。截至十時夜期跌幅大收窄，睇番這批在「搭正五點」隊落去的市價盤，單係22,100點樓下隊咗74張，如果最終去番日間時段收市價，幾十張期指跌超過160萬銀出街。