魚缸Blogger：中智交通挑戰2元

尋日中國智能交通（01900）即市創咗1.87元五十二周新高，並以近全日高位1.85元收市，除突破保力加通道頂部1.77元外，亦呈現V形反彈，博再下一城，下站先睇兩蚊。

中智交通係一間內地ITS（智能交通系統）解決方案、增值運營服務供應商，包括高速公路、鐵路（含軌道交通）、城市交通、智慧城市及新行業分部，去年收入增長35.4%至21.46億元（人民幣．下同），純利增長16.8%至1.32億元。

公司去年收購從事城市交通整體解決方案的北京四通，同既有業務產生協同效應，令該分部成為高速公路及鐵路外另一主要收入來源。就咁睇三大業務都食正長期國策，雖然最尾兩個（智慧城市及新行業）仲喺運營投資階段，不過於「十二五」期間，預期約有600至800座城市着手智慧城市項目，產業鏈價值2萬億元，有望成為佢新增長亮點之一。