恆指期貨走勢2013/5/8

外圍強勢持續，港股成交額開始遞增配合現貨市場升勢，尋日午後大市愈升愈有，收市前最高見過23,270點，升穿三月上旬高位23,262點，最後收報23,244點，升197點，過去十個交易日，九日升市，強勢盡現。

恆指期貨走勢2013/5/8

昨日期指以23,044點收市，低水200點。即使撇開除息因素，仍低水超過60點，是近日升市中罕見，相信現貨觸及23,262點重要阻力後，短期市況會開始反覆，以消化過去大半個月的超買升幅。

昨日以23,129點限價食胡，早市已經無倉一身輕，安心觀看大戶表現。9日RSI及MACD等技術指標顯示，短期大市進入超買區，由於筆者剛剛先有400點利潤落袋，今浪在21,700點分了兩轉博反彈，成績唔錯，唔需要急於一時再搏命，尤其滙控（00005）業績及中國四月出口數字亮麗都先後透支，短期大市抖抖亦屬合理，至少待現貨短期回補昨日留低的23,058至23,156點上升裂口，後市發展會比較健康。