魚缸Blogger：首鋼資源 可博破位

三月業績期過去，業績一般而股價倒升的，往往有尋寶價值，尤其近半年，唔少股份累積升幅唔細，高位危危乎驚基金派貨，不如來個逆向思維，睇番價殘無人吼的煤炭股。

上星期首鋼資源（00639）出成績表，全年盈利跌兩成，比上半年的一成跌幅大，主要係煤銷量下跌同精煤價下滑所致，但大致在市場預期內，中央雖然話發展潔淨能源，減少霧霾為禍，不過短期要全面取替煤電唔容易。首鋼資源主攻低污染精煤，無論業務前景同估值上，應該都好過其他同業，上星期業績後股價倒升，顯然壞消息出盡大孖沙炒番轉頭，近兩個月股價響3.2至3.6元之間浮沉多時，如果再企番去3.5元樓上，可偷步買入博破位，短期睇3.8元，穿10日線3.36元至多畀番佢。

首鋼資源（00639）

阻力位：3.65元

支持位：3.36元