魚缸Blogger：創科 不妨吼位跟炒

上周五有唔少績優股逆市上升，其中隻創科實業（00669）喺成交急增下，即市曾經挾到去18.62元，埋單仍升4%，收報18.42元，不妨吼位跟炒一轉。

創科主要從事設計、製造以及銷售電動工具同地板護理及器具，截至去年底止銷售額增長半成至39億美元，純利增長逾三成至2億美元，毛利率連續四年上升，由前年的32.6%升至33.5%，原因係公司進一步改善營運令生產力提升，並且引入創新產品，以及行業電動工具業務錄得強勁增長，而淨負債比率亦由六成降至兩成半水平，表現突出。佢喺美國同加拿大的市佔率分別為第一及第二位，而早前拓展業務至偏僻地區亦取得成績，隨住美國經濟復甦、房地產市道回暖，對公司盈利能力同前景均有利。

睇番幅圖， 股價自一一年十月起沿住10日線17.54元起錨，雖然期間有跌穿過，不過都由當時低位4.6元，升到依家就快二十蚊，如果揸到依家都幾和味吓，喺佳績兼大增派息的推動下，後市應該仲有睇頭。

創科實業（00669）

阻力位：20元

支持位：17元