魚缸Blogger：石藥集團 有力破頂

月初創五十二周新高嘅石藥集團（01093）高處不勝寒，不過股價調整咗成個幾星期之後，尋日終於有止跌的迹象，喺低位3.01元見承接，以3.08元收市，微升0.3%。而由於集團嘅訴訟風險已經消除，估計隨時會再次發功，上試前高位3.42元。

新業務盈利能力強

啱啱改名嘅石藥，前名中國製藥，主要生產同銷售維生素C、抗生素等原料藥及成藥，去年以蛇吞象方式向大股東收購恩必普、歐意及新諾威三大資產，旨在擴大成藥業務，減少公司對原料藥業務的依賴。石藥新舊業務收入佔比分別為三成及七成，公司話新業務的增長及盈利能力夠高，估計喺兩至三年後，收入佔比可增至一半或以上。

公司喺周一發盈喜，預期截至去年底止全年溢利將比前年錄得大幅增長，原因係上述收購事項而產生的議價購買收益。同日佢亦公布復牌，就○五年維生素C反壟斷控告，與Animal Science Products及其他原告人達成和解，涉及金額2,250萬美元，多年來的不明朗因素可以放低，抖完氣應該有力再破頂。

石藥集團（01093）

阻力位：3.42元

支持位：2.96元