期指攻略：好倉止蝕位21889

前日港股急挫449點，但見當晚美股對塞浦路斯準備向存戶徵收存款稅的反應唔算大，以為港股能夠有似樣的反彈，估唔到動力如此薄弱，昨日恒指高位22,218點，僅僅觸及周一下跌裂口22,185至22,494點的邊緣，已見淡友反攻。

昨日現貨再跌41點，收報22,041點，三月期指低水幅度擴大，收21,961點，跌86點，沽空佔成交比率由前日的10.79%回落至10.06%。

筆者相信在各項技術指標進入超賣區下，後市完全補回裂口的機會唔細，勢估唔到昨日僅補回了裂口約33點，但外圍股市牛氣依然，滬綜指亦都止跌，港股要長期漠視外圍向好勢頭，自顧自走弱的情況要延續幾耐？只有等將來歷史話畀我哋知，但既然恒指經已早一步作出修正，在外圍無唔妥下先從高位跌掉8%，衡量利弊之後，筆者還是傾向小注博反彈，好過失先機去追沽。昨日於22,133點開的期指好倉，尚幸只係投石問路式的小注，仲可以再溝，續以21,889點為止蝕，收市確認跌穿就斬纜。