魚缸Blogger：建滔化工 走勢轉強
工業股靜咗咁耐，上周五建滔系齊齊派成績表，其中建滔化工（00148）股價升近半成，至25.7元，而旗下附屬建滔積層板（01888）則升近6%至3.9元。雖然兩股去年純利都倒退，不過就大增派息，建滔化工更擬10送2紅股。
主要從事製造及銷售覆銅面板、印刷線路板（應用於智能手機及高端電子產品）等業務嘅建滔化工，去年營業額增長2%至372.9億元，純利則倒退19%至20.97億元，原因不外乎美國經濟復甦緩慢，令整體電子產品需求回落，同埋內地化工產品價格比前年同期下降所致。
盈利能力可望改善
不過，隨住今年客戶訂單明顯增加、首兩個月河北省焦炭/甲醇廠表現強勁，加上佢積極拓展房地產業務，盈利能力應該會有改善。睇番幅圖，股價自今年起沿住10日線23.91元下跌，本月開始反彈，並一口氣收復多條平均線，技術走勢轉強，唔大貪先睇28蚊。
