魚缸Blogger:漢能太陽能 趁低吸

尋日光伏股終於回一回氣,其中漢能太陽能(00566)即市雖一度跌穿5毫子關,但最後仲守得住,以0.5元收市,跌逾半成,憧憬光伏分散式發電補貼細則出台,低吸機會咪走雞!

漢能從事製造矽基薄膜太陽能光伏組件的生產設備及整套生產線,其實前身叫鉑陽太陽能,今年一月先至改名,用新名旨在反映同母公司漢能集團的關係。公司喺周一發盈喜,預期截至去年底止全年溢利將比前年增長超過三成。另漢能持續取得重大技術突破,如去年底降低矽鍺生產線最核心嘅PECVD制程周期令產能升級,客戶每瓦組件成本將可下降約9%。公司未來目標係拓展下游太陽能發電項目,而母公司話會長期供應價格穩定嘅電池板畀佢,勝在後台強勁。

漢能太陽能(00566)

阻力位:0.600元

支持位:0.451元

暴炒妹