市場徐想：光大國際 優勢明顯

近年光大國際（00257）已躍升為綠色工業龍頭大哥大，集團有規模、有技術、有彈藥，喺爭取項目上擁有極大優勢。加上垃圾焚燒產業得到國策嘅大力支持，光大國際嘅風頭可謂一時無兩。

集團去年純利11.23億元，增長40%，如撇除已售福州青洲大橋嘅收益，核心經營盈利為8.81億元，增長19.5%，仍屬高增長。主要盈利來自營運收益，但政府補貼同退稅等收入都係主要來源之一。集團積極申報國家環保津貼同稅務優惠，已獲政府補貼3,977萬元人民幣、增值稅退稅4,609萬元人民幣同所得稅退稅1,757萬元人民幣，共1.28億港元。該股現價5.5元，市盈率約19倍，雖然息率得1厘，但股價回報較有潛力。如果能維持高增長，有高PE也不足為奇。Prof. J仍睇好中長線。