期指攻略：期指見22566平淡倉

昨日期指開22,596點，之後跌至22,534點，好友反撲力度強勁，期指十一時左右，直奔22,763點見全日高位，挾高超過200點，期間即市短線回吐甚至未試過多於50點，當筆者以為大市有轉勢可能，但下午期指只係困在22,566至22,705點之間，好淡友都無嘗試挑戰上午高低位，最後悶到收場。恒指昨日收市跌6點，報22,771點，現貨主板成交639億元，是十三個交易日以來最少。

恒指一連兩日企穩在10日線（昨在22,724點）樓上，技術上本屬利好，然而中線角度，23,944點見頂，跌至22,445點之後，尚未重返0.236反彈阻力22,799點樓上，且成交愈玩愈縮，即使短期大市能夠再上，只怕爆上動力也十分有限。

筆者於22,654點開的淡倉，繼續以期指收市企穩22,818點樓上作為止蝕，由於短期後市波動可能收窄，俗語話「有胡唔食罪大惡極」，今日決定畀埋即市食胡目標，期指再落番去22,515至22,566點之間，先平倉鎖定利潤。